समाचार

फेदीखोलामा बुटवल जादैँ गरेको बस र पोखरातर्फ आइरहेको टिप्पर ठोक्कियो

Spread the love

स्याङ्जाको फेदीखोलामा बस र टिप्पर एक अर्कामा ठोक्किदाँ दुर्घटना भएको छ ।

दुर्घटनामा ५ जना घाईते भएका छन् । पोखराबाट बुटवल तर्फ जाँदै गरेको ग १ ख ९३७४ नम्बरको बस र बुटवलबाट पोखरा तर्फ आईरहेको ग १ ख ७६११ नम्बरको टिप्पर एक आपसमा ठोक्दिाँ दुर्घटना भएको हो ।

टर्निङ प्वाइन्टमा दुर्घटना हुदाँ टिप्पर चालक र बसमा सवार १० यात्रुमध्ये ४ यात्रु घाईते भएको फेदी खोला प्रहरीचौकीका प्रमुख प्रहरी नायब निरीक्षक महेश्वर उपाध्ययले जानकारी दिए ।

टिप्पर चालक कास्कीको अन्नपूर्ण गाउँपालिका ११ का वर्ष २५ का सुरेन्द्र सुनारलाई उपचारको लागी पोखरा रिफर गरिएको प्रहरीले बताएको छ ।

चालक सुनार टिप्परले च्यापिएको अवस्थामा रहेका थिए । अन्य ४ घाईते यात्रुको अवस्था सामान्य रहेको प्रहरीले जनाएको छ ।
अहिले फेदीखोलामा दुवै तर्फ बाटो अवरुद्ध बन्न पुगेको छ । पानी परिरहेको र सवारी जाम हुदाँ यात्रु अलपत्र परेका छन् ।

Related Articles

Leave a Reply

Your email address will not be published.

Back to top button