समाचार

शिक्षक सेवा आयोगलाई शिक्षामन्त्रीले दबाब दिएको भन्‍दै कांग्रेसको विरोध

Spread the love

शिक्षक सेवा आयोगमा पदाधिकारी नियुक्ति सिफारिसलाई परिवर्तन गर्न शिक्षामन्त्रीले समितिका अध्‍यक्ष तथा सदस्‍यलाई  पटक-पटक दबाब दिएको भन्‍दै नेपाली कांग्रेसले गम्भीर आपत्ति जनाएको छ।

कांग्रेस शिक्षा विभागका सचिव डा.कृष्णप्रसाद पौडेलद्वारा जारी विज्ञप्तिमा भनिएको छ, ‘ त्रिभुवन विश्‍वविद्यालयका उपकुलपति र शिक्षा मन्त्रालयका सचिव सदस्य रहेको छनोट समितिले गरेको सिफारिसलाई नेपाल सरकारका शिक्षामन्त्रीले पटक पटक पदाधिकारी सिफारिस समितिका अध्‍यक्ष तथा सदस्‍यहरुलाई दबाब दिएकोमा नेपाली कांग्रेस शिक्षा विभागको गम्भीर ध्‍यानाकर्षण भएको छ । ‘

यसका साथै कांग्रेसले शिक्षा ऐन २०२८ र शिक्षक सेवा आयोग नियमावली २०५७ बमोजिम शिक्षक सेवा आयोगका पदाधिकारी नियुक्ति प्रक्रियालाई निशर्त टुंगोमा पुर्‍याउन माग गरेको छ ।

यसअघि शिक्षक सेवा आयोग (नवौ संशोधन) नियमावली, २०७१ अनुसार आयोगका पदाधिकारीको सिफारिस गर्न लोक सेवा आयोगका अध्‍यक्षको अध्‍यक्षतामा त्रिभुवन विश्‍वविद्यालयका उपकुलपति र शिक्षा मन्त्रालयका सचिव सदस्‍य रहेको छनोट समितिले २०७७ कार्तिक २२ गते आयोगको अध्‍यक्षमा मधुप्रसाद रेग्मी, सदस्‍यमा डा. डिल्लीराम रिमाल र नन्दकुमारी महर्जनलाई सिफारिस गरेको थियो ।

sponsored

Related Articles

Back to top button